კონფიდენციალურობის პოლიტიკა

1. ვინ ამუშავებს მონაცემებს

მონაცემთა დამმუშავებელია შპს „ქიჩენ ჰაბი“ (საიდენტიფიკაციო კოდი 405881782), რომელიც საქმიანობს Brasco-ს სახელით. მისამართი: საქართველო, თბილისი, ვაკის რაიონი, ბ. ჟღენტის ქ. N49, ბინა 20. მონაცემებთან დაკავშირებული საკითხებისთვის: hello@eatbrasco.com, +995 511 26 86 55.

მონაცემებს ვამუშავებთ „პერსონალურ მონაცემთა დაცვის შესახებ“ საქართველოს კანონის შესაბამისად.

2. რა მონაცემებს ვაგროვებთ

• საკონტაქტო: ტელეფონის ნომერი (სავალდებულო) და სახელი (არასავალდებულო).
• მიტანისთვის: მისამართი, სადარბაზო, სართული, ბინა, კომენტარი კურიერისთვის; თუ დააჭერთ „ჩემი მდებარეობა“-ს — მოწყობილობის კოორდინატები.
• შეკვეთის: კერძები, კომენტარი, ჯამი, ფასდაკლებები, პრომოკოდი, ბონუსების მოძრაობა, შეკვეთების ისტორია და გადახდის სტატუსი. ბარათის მონაცემებს ამუშავებს Flitt — ბარათის სრულ ნომერს ჩვენ ვერ ვიღებთ.
• ანგარიშის: SMS-კოდით დადასტურებული ნომერი და შესვლის სესია. SMS-კოდები ინახება მხოლოდ ჰეშირებული სახით და მოქმედებს 5 წუთი.
• ტექნიკური: გვერდების ნახვები, ინტერფეისის ელემენტებზე შეხება (ტექსტისა და კოორდინატების გარეშე), საიტის სიჩქარის მაჩვენებლები, ვიზიტის იდენტიფიკატორი, მოწყობილობის ტიპი, ენა და ტრაფიკის წყარო (მაგალითად, utm_source ან ბლოგერის ბმული).
• მხოლოდ თქვენი თანხმობით: მოწყობილობის ანონიმური იდენტიფიკატორი, ხოლო რეკლამის შედეგის გასაზომად — ბრაუზერის მონაცემები (user agent), IP-მისამართი და Meta-ს cookie-ები (_fbp, _fbc), რომლებიც შეკვეთას უკავშირდება.

IP-მისამართი ასევე დროებით მუშავდება სპამისგან დასაცავად და ჰოსტინგის ტექნიკურ ჟურნალებში.

3. მიზნები და სამართლებრივი საფუძველი

• შეკვეთის შესრულება — მომზადება, გაცემა, მიტანა, დაკავშირება, გადახდა და თანხის დაბრუნება: ხელშეკრულების შესრულება.
• ანგარიში, შეკვეთების ისტორია და ბონუსები: ხელშეკრულების შესრულება.
• უსაფრთხოება და ბოროტად გამოყენების პრევენცია (SMS-ისა და შეკვეთების ლიმიტები): ჩვენი კანონიერი ინტერესი.
• საბუღალტრო და საგადასახადო აღრიცხვა: კანონით დაკისრებული ვალდებულება.
• საიტის ანონიმური სტატისტიკა მის გასაუმჯობესებლად: ჩვენი კანონიერი ინტერესი.
• გაფართოებული ანალიტიკა და რეკლამის შედეგის გაზომვა (Meta Pixel, Conversions API): თქვენი თანხმობა.

მონაცემებს არ ვყიდით და მარკეტინგულ SMS-ებს თანხმობის გარეშე არ ვაგზავნით.

4. ვის გადაეცემა მონაცემები

მონაცემებს ამუშავებენ ჩვენი მომსახურების მიმწოდებლები, მხოლოდ საჭირო მოცულობით:

• Vercel — საიტის ჰოსტინგი (სერვერები ფრანკფურტში, ევროკავშირი);
• Supabase — მონაცემთა ბაზა (ევროკავშირის რეგიონი);
• Flitt (TBC-ის ჯგუფი) — ონლაინ გადახდა და თანხის დაბრუნება;
• SMS-პროვაიდერი — შესვლის კოდის გაგზავნა (ტელეფონის ნომერი და კოდი);
• საკურიერო პარტნიორი (ამჟამად Wolt Drive) — მიტანისთვის: სახელი, ტელეფონი, მისამართი და კომენტარი კურიერისთვის;
• PostHog (EU Cloud) — საიტის სტატისტიკა, თუ ჩართულია; თანხმობის გარეშე მონაცემები ანონიმურია, მომხმარებლის პროფილის გარეშე;
• Meta Platforms — მხოლოდ თქვენი თანხმობით, რეკლამის შედეგის გასაზომად.

ზოგიერთი მიმწოდებელი რეგისტრირებულია საქართველოს ფარგლებს გარეთ (ევროკავშირში ან აშშ-ში). მონაცემების ასეთი გადაცემა ხდება კანონით გათვალისწინებული დაცვის გარანტიებით. მონაცემები ასევე შეიძლება გადაეცეს სახელმწიფო ორგანოებს, თუ ამას კანონი მოითხოვს.

5. შენახვის ვადა

• შეკვეთები და მათთან დაკავშირებული მონაცემები — იმდენ ხანს, რამდენიც საჭიროა მომსახურებისა და საგადასახადო-საბუღალტრო კანონმდებლობის მოთხოვნების შესასრულებლად.
• ანგარიში — სანამ მის წაშლას არ მოითხოვთ (კანონით შესანახი შეკვეთის ჩანაწერები რჩება).
• ტექნიკური მოვლენები — შეხებები და სიჩქარის მაჩვენებლები 90 დღე, დანარჩენი 400 დღე; შემდეგ ავტომატურად იშლება.
• შესვლის სესია — 90 დღემდე; SMS-კოდი — 5 წუთი.

6. Cookie-ები და ბრაუზერის მეხსიერება

• brasco_session და brasco_signed_in — შესვლის სესია (90 დღემდე);
• brasco_promo — პარტნიორის ბმულიდან მიღებული პრომოკოდი (აქციის დასრულებამდე);
• brasco-cart (localStorage) — კალათა და შეყვანილი საკონტაქტო მონაცემები, რომ ხელახლა არ აკრიფოთ;
• brasco-consent (localStorage) — თქვენი არჩევანი ანალიტიკაზე;
• brasco-session და brasco-source (sessionStorage) — მიმდინარე ვიზიტი და მისი წყარო;
• მხოლოდ თანხმობით: brasco-anon და brasco-source (localStorage) — მოწყობილობის ანონიმური იდენტიფიკატორი და პირველი ვიზიტის წყარო; Meta Pixel-ის cookie-ები _fbp და _fbc.

პირველი ვიზიტისას საიტი გეკითხებათ თანხმობას: „ნებართვა“ ან „მხოლოდ აუცილებელი“. არჩევანის შესაცვლელად წაშალეთ ამ საიტის მონაცემები ბრაუზერში — შეტყობინება ხელახლა გამოჩნდება — ან მოგვწერეთ.

7. თქვენი უფლებები

თქვენ გაქვთ უფლება: მიიღოთ ინფორმაცია და ასლი თქვენ შესახებ დამუშავებული მონაცემებისა; მოითხოვოთ მათი გასწორება, წაშლა ან დამუშავების შეზღუდვა; გამოთქვათ პროტესტი დამუშავებაზე; ნებისმიერ დროს გამოიხმოთ თანხმობა (ეს არ მოქმედებს მანამდე განხორციელებულ დამუშავებაზე).

მოთხოვნა გამოგზავნეთ მისამართზე hello@eatbrasco.com ან დაგვირეკეთ +995 511 26 86 55. ვუპასუხებთ კანონით დადგენილ ვადაში. ასევე შეგიძლიათ მიმართოთ საქართველოს პერსონალურ მონაცემთა დაცვის სამსახურს (personaldata.ge).

8. უსაფრთხოება

საიტი მუშაობს მხოლოდ დაცული კავშირით (HTTPS). მონაცემებზე წვდომა აქვთ მხოლოდ იმ თანამშრომლებს, ვისაც ის სამუშაოდ სჭირდება; თანამშრომელთა ქმედებები აღირიცხება.

9. ცვლილებები

პოლიტიკა შეიძლება განვაახლოთ; მოქმედი ვერსია ქვეყნდება ამ გვერდზე განახლების თარიღით.